1 Room Private House, 65m², Cosmetic Renovated

Վաճառվում է 65 քմ մակերեսով քարե առանձնատուն, մոտավորապես 1000 քմ հողամասով՝ Քանաքեռի ՀԷԿ տարածքում, Հրազդան գետի ձորափին, ձոր իջնող թեքության վերին մասում կառուցված բետոնապատ հարթակներով: Տարածքը գտնվում է Երևանի 4-րդ գոտում, հարմար է երկու հոգու բնակության համար: Առավել հարմար է այն մարդկանց համար, որոնք սովոր են ու նախընտրում են հայրենի չքնաղ բնության գրկում «գյուղին» բնորոշ խաղաղ ու անաղմուկ կյանքը, իհարկե, միաժամանակ, Երևանի կենտրոնից գտնվելով ընդամենը 7 կմ հեռավորության վրա: Առկա է էլեկտրականություն, ոռոգման ջուր, ինչպես նաև խմելու ջրի հնարավորություն (ընդամենը 25 մետր հեռավորությունից) :
Տունն ունի մեկ կահավորված սենյակ՝ ստորգետնյա մառանային պահեստով, մեկ կահավորված խոհանոց, երկու արտաքին բետոնապատ պահեստասենյակ, գարաժային տարածք, գյուղական տիպի զուգարան, 10-14 հոգու հանգստի և խնջույքի համար նախատեսված տաղավար, մանղալ ու այլ հարմարություններ: Հողամասում կան Հայաստանում աճող գրեթե բոլոր տիպերի պտղատու մեծ ծառեր ու թփեր: Հողամասից բացվում է հիանալի տեսարան Հրազդանի կիրճի, Արագած ու Արա լեռների վրա: Show all